shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

hazaaron saal nargis apni be-noori pe roti hai badi mushkil se hota hai chaman men deeda-war paida

vo ghusse men seedhi baat nahin karta toofaanon men baarish tirchi hoti hai

khone nahin doonga kisi bhi shart pe inko bas dost hi hain mard ke zevar use kehna

inke sahaare kuchh naye se dhun banaaunga laaya hooñ uske paanv se ghunghroo nikaal kar

duniya tuli thii hamko banaane pe devta par ham kisi bhi haal men patthar nahin hue

ham in aankhoñ se use har roz padhte aa.e hain vo badan to yaad hai do ke pahaade ki tarah