shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

le de ke apne paas faqat ik nazar to hai kyun dekhen zindagi ko kisi ki nazar se ham

aaj ka din bhi aish se guzra sar se paanv tak badan salaamat hai

mere naam se kya matlab hai tumhein mit jaayega ya rah jaata hai jab tum ne hi saath nahin rahna phir peeche kya rah jaata hai mere paas aane tak aur kisi ki yaad use kha jaati hai vo mujh tak kam hi pahunchta hai kisi aur jagah rah jaata hai

ai watan ik roz teri KHaak men kho jaayenge so jaayenge mar ke bhi rishta nahin chhootega hindustan se imaan se

guzishta saal ke zakhamo hare-bhare rahna juloos ab ke baras bhi yahiin se niklega

vo chahta tha ki kaasa khareed le meraa main us ke taaj ki qeemat laga ke laut aaya

kaii dinon se andheron ka bolbala hai charaagh le ke pukaaro kahaan ujaala hai

teri har baat mohabbat men gawara kar ke dil ke bazaar men baithe hain khasaara kar ke aasmaanon ki taraf fenk diya hai main ne chand miTTi ke charaaghon ko sitaara kar ke