kya khabar kaun tha vo aur meraa kya lagta tha jisse milkar mujhe har shaKHs bura lagta tha

shaakhon se toot jaayen vo patte nahin hain ham aandhi se koi kah de ki auqaat men rahe

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

ye mat bhoolo ki ye lamhaat ham ko bichhadne ke li.e milva rahe hain

main chahta hooñ mohabbat meraa vo haal kare ki KHvaab men bhi dobara kabhi majaal na ho

dil meraa baitha hai le kar phir mujhi se vo nigaar poochta hai haath men mere bataa kya cheez hai

mehnat se hai azmat ki zamaane men nageen ko be-kaavish-e-seena na kabhi naamvari dii

tum ne kiya na yaad kabhi bhool kar ha men ham ne tumhaari yaad men sab kuchh bhula diya

be-khu dii men le liya bosa KHataa kijeye muaaf ye dil-e-betaab ki saari KHataa thii main na tha

kya taab kya majaal hamaari ki bosa len lab ko tumhaare lab se mila kar kahe baghair