tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

vaqt jab jaane ka aaya hai tab mujhe usne bulaayaa hai

kisi ko bhi kabhi bhi gham nahin denge hamen milta raha par ham nahin denge

ye haath uske haath men hote ham kab dhuen ke saath men hote

zauq-e-mohabbat chakh liya hamne aur jaanne ko kuchh nahin hai ab

zameen se jab juda tu ho nahin saktaa yahaañ par phir KHuda tu ho nahin saktaa