tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

ham vo hain jo KHuda ko bhool ga.e tum meri jaan kis gumaan men ho

ham ko neeche utaar lenge log ishq latka rahega pankhe se

hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

main chhup raha hooñ ki jaane kis dam utaar dale libaas mujh ko

nabeel is ishq men tum jeet bhi jaao to kya hogaa ye aisi jeet hai pahluu men jis ke haar chalti hai

tamaam shahar ko tareekiyo se shikwa hai magar charaaghh ki bai'at se khauf aata hai

nabeel aisa karo tum bhi bhool jaao use vo shaKHs apni har ik baat se mukar chuka hai

na jaane kaisi mehroomi pas-e-raftaar chalti hai hamesha mere aage aage ik deewaar chalti hai