ham to kuchh der hañs bhi lete hain dil hamesha udaas rehta hai

teraa banta tha ki tu dushman ho apne haathon se khilaaya tha tujhe teri gaali se mujhe yaad aaya kitne taano se bachaaya tha tujhe

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

hamne ab tak gaal bacha ke rakhe hain kya tumne bhi gulaal bacha ke rakhe hain

yuñ jo takta hai aasmaan ko tu koi rehta hai aasmaan men kya

tamaam din ke dukhon ka hisaab karna hai main chahta hooñ koii mere aas-paas na ho

zindagi tere ta’qqub men ham itnaa chalte hain ki mar jaate hain

nazar bacha ke guzarte ho to guzar jaao main aaina hooñ meri apni zimmedaari hai

jab kabhi bolna vaqt par bolna muddaton sochna mukhtasar bolna

vo sar bhi kaat deta to hota na kuchh malaal afsos ye hai us ne meri baat kaat dii