agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

ham apni jaan ke dushman ko apni jaan kahte hain mohabbat ki isee miTTi ko hindustan kahte hain

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

ab dost koi laao mukaabil men hamaare dushman to koi kad ke barabar nahin niklaa

KHuda kii us ke gale men ajeeb qudrat hai vo bolta hai to ik raushni sii hoti hai

unhin raaston ne jin par kabhi tum the saath mere mujhe rok rok poocha tira hum-safar kahaan hai

ye shabnami lahjaa hai aahista ghazal padhna titli ki kahaanii hai phoolon ki zabaani hai

main tere saath sitaaron se guzar saka hooñ kitna aasaan mohabbat ka safar lagta hai

dil ki bastii puraani dilli hai jo bhi guzra hai usne lootaa hai