shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

us..ko fursat nahin milti ki palat kar dekhe ham hi deewane hain deewane bane rahte hain

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

galiyon kii udaasi poochhti hai ghar ka sannaata kahtaa hai is shahar ka har rahne vaala kyun doosre shahar men rehta hai

har saal kii aakhiri shaamon men do chaar varq ud jaate hain ab aur na bikhre rishton kii bosida kitaab to achha ho

ab ik teer bhi ho liya saath warna parinda chala tha safar par akelaa

main badan ko dard ke malboos pahnaata raha rooh tak phaili hui milti hai ur yaanii mujhe

jin kii dard-bhari baaton se ek zamaana raam hua qasir aise fan-kaaron kii qismat men ban-baas raha