main chahta hooñ mohabbat meraa vo haal kare ki KHvaab men bhi dobara kabhi majaal na ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

bose apne aariz-e-gulfaam ke la mujhe de de tire kis kaam ke

vo gale se lipt ke sote hain aaj-kal garmiyaan hain jaadon men

vo karenge vasl ka vaa'da vafaa rang gehre hain hamaari shaam ke

ladai hai to achha raat-bhar yuñ hi basar kar lo ham apna munh idhar kar len tum apna munh udhar kar lo

vafaa kya kar nahin sakte hain vo lekin nahin karte kaha kya kar nahin sakte hain vo lekin nahin karte