hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

ye alag baat ki KHaamosh khade rahte hain phir bhi jo log bade hain vo bade rahte hain

isi li.e to main roya nahin bichhadte samay tujhe ravana kiya hai juda nahin kiya hai

dil se saabit karo ki zinda ho saans lena koi suboot nahin

mere honton pe apni pyaas rakh do aur phir socho ki is ke baa'd bhi duniya men kuchh paana zaroori hai

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

jaane kis haal men ham hain ki ha men dekh ke log ek pal ke li.e rukte hain guzar jaate hain

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

aashiqi men meer jaise KHvaab mat dekha karo baawle ho jaaoge mahtaab mat dekha karo

faraaz tark-e-taalluq to KHair kya hogaa yahii bahut hai ki kam kam mila karo us se