bhoolbhulaiya tha un zulfon men lekin hamko us men apni raahen dikhti theen aapki aankhoñ ko dekha to ilm hua kyun arjun ko keval aañkhen dikhti theen

subh-e-magroor ko vo shaam bhi kar deta hai shohraten cheen ke gumnaam bhi kar deta hai vaqt se aankh milaane ki himaakat na karo vaqt insaan ko neelaam bhi kar deta hai

ab usse dosti hai jisse kal muhabbat thii ab isse zyaada bura vaqt kuchh nahin hai dost

is tarah rote hain ham yaad tujhe karte hue jaise tu hota to seene se laga leta ha men

jab bhi deewaana koi raah bhatk jaata hai sab se pahle to meraa aap pe shak jaata hai

ye kaise malbe ke neeche daba diya gayaa hooñ mujhe badan se nikaalo main tang aa gayaa hooñ

nahin nahin main bahut KHush raha hooñ tere baghair yaqeen kar ki ye haalat abhii abhii hui hai

ik chubhan hai ki jo bechain ki.e rahtii hai aisa lagta hai ki kuchh toot gaya hai mujh men

Khushbu tha main bikharna mera ikhtisaas tha

kisi aahat men aahat ke siva kuchh bhi nahin ab kisi soorat men soorat ke siva kya rah gaya hai