tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

saath chalna hai to talwaar utha meri tarah mujhse buzdil kii himayat nahin hone waali

us ki yaad aayi hai saanso zaraa aahista chalo dhadkano se bhi ibadat men khalal padta hai

guzishta saal ke zakhamo hare-bhare rahna juloos ab ke baras bhi yahiin se niklega

khayal tha ki ye pathraav rok den chal kar jo hosh aaya to dekha lahu lahu ham the

main vo dariyaa hooñ ki har boond bhanwar hai jis kii tumne achha hi kiya mujh se kinaara kar ke