mire seene pe sar rakha hai to KHaamosh mat rah mujhe batla tujhe jo bhi sunaai de raha hai

phaile hain qatre os ke ghar men roya hoon man masos ke ghar men maine palken bichaaii theen lekin chaand utara pados ke ghar men

kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

ashaar mire yuñ to zamaane ke li.e hain kuchh she'r faqat un ko sunaane ke li.e hain ye ilm ka sauda ye risaale ye kitaaben ik shaKHs ki yaadon ko bhulaane ke li.e hain

mirii ghazal ki tarah us ki bhi hukoomat hai tamaam mulk men vo sab se khoobsurat hai bahut dinon se mire saath thii magar kal shaam mujhe pata chala vo kitnii khoobsurat hai