ham pe ehsaan hain udaasi ke muskuraayein to sharm aati hai

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

agar hai ishq saccha to nigaahon se bayaañ hogaa zabaan se bolna bhi kya koi izhaar hota hai

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

padi rahne do insaano ki laashen zameen ka bojh halka kyun karen ham

shab ko may khoob si pee subh ko tauba kar li rind ke rind rahe haath se jannat na gaii

aañsu hamaare gir ga.e un ki nigaah se in motiyon ki ab koi qeemat nahin rahi

mohabbat rang de jaati hai jab dil dil se milta hai magar mushkil to ye hai dil badi mushkil se milta hai

lutate hain vo daulat husn ki baawar nahin aata ha men to ek bosa bhi badi mushkil se milta hai

aap pahluu men jo baitheen to sambhal kar baitheen dil-e-betaab ko aadat hai machal jaane ki