shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

hazaaron saal nargis apni be-noori pe roti hai badi mushkil se hota hai chaman men deeda-war paida

us ko ruksat to kiya tha mujhe maaloom na tha saara ghar le gaya ghar chhod ke jaane vaala

ek mehfil men kaii mahfilein hoti hain shareek jis ko bhi paas se dekhoge akela hogaa

girja men mandiron men azaanon men bat gaya hote hi subh aadmi khaanon men bat gaya

naksha utha ke aur koi shahar dekhiye is shahar men to sab se mulaqaat ho gaii

zindagi ka muqaddar safar-dar-safar aakhiri saans tak be-qaraar aadmi