shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

dil se saabit karo ki zinda ho saans lena koi suboot nahin

sochun to saari umr mohabbat men kat gaii dekhooñ to ek shaKHs bhi meraa nahin hua

vo shakhs saalon baad bhi kitna haseen hai vo rang canvas pe kabhi dal nahin hua

main uske baad sirf inheen koshishon men hooñ gardan se uske naam ka tattoo nikal sake

ishaara kar rahe hain baal ye bikhre hue kya tu mere paas aaya hai kahii hote hue kya ye itnaa hansne waale ishq men toote hue log tu in se poochna andar se bhi achchhe hue kya

yahaañ tum dekhna rutba hamaara hamaari ret hai dariyaa hamaara

taarikh aa gayi hai udhar card chap ga.e ab kab kahegi tujhko vo ladka nahin pasand