daanish yuñ tasleem nahin karti duniya apne aapko saabit karna padta hai

pooche hain wajh-e-giriya-e-khooni jo mujhse log kya dekhte nahin hain sab us be-vafa ka rang

dil se saabit karo ki zinda ho saans lena koi suboot nahin

KHoon se seenchi hai main ne jo zameen mar mar ke vo zameen ek sitam-gar ne kaha us ki hai

bas ek lamhe ke sach jhooth ke evaz farhat tamaam umr ka ilzaam le gaya mujh se

shab ko may khoob si pee subh ko tauba kar li rind ke rind rahe haath se jannat na gaii

aañsu hamaare gir ga.e un ki nigaah se in motiyon ki ab koi qeemat nahin rahi

lutate hain vo daulat husn ki baawar nahin aata ha men to ek bosa bhi badi mushkil se milta hai

mohabbat rang de jaati hai jab dil dil se milta hai magar mushkil to ye hai dil badi mushkil se milta hai

aata hai jee men saaqi-e-mah-wash pe baar baar lab choom luun tira lab-e-paimaana chhod kar