raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

tere qareeb aa ke badi uljhnon men hooñ main dushmanon men hooñ ki tere doston men hooñ

tadapna hijr tak seemit nahin hai use dulhan bhi bante dekhna hai

har ek lafz ke tevar hi aur hote hain tere nagar ke sukhanvar hi aur hote hain tumhaari aankhoñ men vo baat hi nahin ai dost dubone waale samandar hi aur hote hain

kal raat main bahut hi alag sa laga mujhe uski nazar ne yuñ meri soorat khangaali dost

jo log KHud na karte the honthon se paan saaf palkon se kar rahe hain teraa paaydaan saaf

banaao taajmahal ke bajaaye taash mahal tamaam umr muhabbat karo girao banaao

tujhe bahut shauq tha mohabbat ki garm lapton se khelne ka le jal gaii na hatheli ab KHush kaha tha main ne charaaghh rakh de

koi khat-vat nahin faara koi tohfa nahin toda ki vo dekhe to KHud soche ki dil toda nahin toda

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai