ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

din dhal gaya aur raat guzarne ki aas men suraj nadi men doob gaya ham gilaas men

maang sindoor bharii haath hinaai karke roop joban ka zaraa aur nikhar aayega jiske hone se meri raat hai raushan raushan chaand men aaj vahii aks nazar aayega

tumhaare bin guzaari raat ke bas do hi kisse hain kabhi hichki nahin rukti kabhi sisaki nahin rukti

main so raha hooñ tere KHvaab dekhne ke li.e ye aarzoo hai ki aankhoñ men raat rah jaa.e

munhdim hota chala jaata hai dil saal-b-saal aisa lagta hai girah ab ke baras tootti hai

ghar se nikle hue beton ka muqaddar maaloom maa ke qadmon men bhi jannat nahin milne waali

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain

khula fareb-e-mohabbat dikhaai deta hai ajab kamaal hai us be-vafa ke lehje men

KHud ko bikharte dekhte hain kuchh kar nahin paate hain phir bhi log khudaaon jaisi baatein karte hain