koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ab in jale hue jismoon pe KHud hi saaya karo tumhein kaha tha bataa kar qareeb aaya karo main uske baad mahinon udaas rehta hooñ mazaak men bhi mujhe haath mat lagaaya karo

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

uski tasveerein hain dilkash to hongi jaisi deewarein hain waisa saaya hai ek main hooñ jo tere qatl kii koshish men tha ek tu hai jo jail men khaana laaya hai

vo chaand hai to aks bhi paani men aayega kirdaar KHud ubhar ke kahaanii men aayega

mile mujhe bhi agar koii shaam fursat kii main kya hooñ kaun hooñ sochunga apne baare men

suraj hooñ zindagi kii ramq chhod jaaunga main doob bhi gaya to shafaq chhod jaaunga

pichhle baras bhi boi theen lafzon ki khetiyan ab ke baras bhi is ke siva kuchh nahin kiya

maara kisi ne sang to thokar lagii mujhe dekha to aasmaan tha zameeñ par pada hua