teri soorat se hai aalam men bahaaron ko sabaat teri aankhoñ ke siva duniya men rakha kya hai

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

sochun to saari umr mohabbat men kat gaii dekhooñ to ek shaKHs bhi meraa nahin hua

shaakhon se toot jaayen vo patte nahin hain ham aandhi se koi kah de ki auqaat men rahe

munhdim hota chala jaata hai dil saal-b-saal aisa lagta hai girah ab ke baras tootti hai

khula fareb-e-mohabbat dikhaai deta hai ajab kamaal hai us be-vafa ke lehje men

ghar se nikle hue beton ka muqaddar maaloom maa ke qadmon men bhi jannat nahin milne waali

dua ko haath uthaate hue larzata hooñ kabhi dua nahin maangi thii maa ke hote hue

betiyaan baap ki aankhoñ men chhupe KHvaab ko pahchaanti hain aur koi doosra is KHvaab ko padh le to bura maanti hain