mat se tire sahmat na ho sarkaar hindustan men mat daan kar phir apna mat aise kisi matdaan men

ab main samjha tire rukhsaar pe til ka matlab daulat-e-husn pe darbaan bitha rakha hai

yaaraan vo jo hai meraa maseeha-e-jaan-o-dil be-had aziz hai mujhe achha ki.e baghair main bistar-e-khayaal pe leta hooñ us ke paas subh-e-azl se koi taqaza ki.e baghair

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

gale to lagana hai us se kaho abhii lag jaa.e yahii na ho meraa us ke baghair jee lag jaa.e main aa raha hooñ tere paas ye na ho ki kahii teraa mazaak ho aur meri zindagi lag jaa.e

mujhe to qaid-e-mohabbat azeez thii lekin kisi ne mujh ko giriftaar. kar ke chhod diya

be-qaraar karke ha men yuñ na jaaie aapko hamaari qasam laut aaiye

qaid se chhoot ke bhi kya paaya aaj bhi paanv men zanjeer to hai

kabhi yak-b-yak tavajjoh kabhi dafatan taghaaful mujhe aazma raha hai koi rukh badal badal kar

vo ham se KHafaa hain ham un se KHafaa hain magar baat karne ko jee chahta hai jahaan ishq men doob kar rah ga.e hain wahin phir ubharne ko jee chahta hai