agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

kabootar ishq ka utre to kaise tumhaari chat pe nigraani bahut hai iraada kar liya gar khudkushi ka to KHud ki aankh ka paani bahut hai

vo afsaana jise anjaam tak laana na ho mumkin use ik KHoob-soorat mod de kar chhodna achha

rootha tha main bahut dinon se maan gaya lekin kaan pakad kar jab vo boli soree-voree sab

awwal to main naaraz nahin hota hooñ lekin ho jaaun to phir mujhsa bura hota nahin hai

mirii barbaadiyon ka ham-nashino tumhein kya KHud mujhe bhi gham nahin hai

tumne to hukm-e-tark-e-tamanna suna diya kis dil se aah tark-e-tamanna kare koii

shauq ke haathon ai dil-e-muztar kya hona hai kya hogaa ishq to rusva ho hi chuka hai husn bhi kya rusva hogaa

nahin ye fikr koi rahbar-e-kaamil nahin milta koi duniya men maanoos-e-mizaaj-e-dil nahin milta

chhup ga.e vo saaz-e-hasti chhed kar ab to bas awaaz hi awaaz hai