main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

uljh karke teri agar men yuñ aabaad ho jaaun ki jaise lucknow ka main ameenabad ho jaaun main yamuna ki tarah tanhaa nihaaru taaj ko kab tak koi ganga mile to main ilahaabad ho jaaun

gale milnaa na milnaa to teri marzi hai lekin tere chehre se lagta hai teraa dil kar raha hai

teri KHataa nahin jo tu ghusse men aa gaya paise ka zom tha tere lahje men aa gaya sikka uchaalkar ke tere paas kya bacha teraa guroor to mere kaanse men aa gaya

ye uski mohabbat hai ki rukta hai tere paas varna teri daulat ke siva kya hai tere paas

ye meri zid hi galat thii ki tujhsa ban jaaun main ab na apni tarah hooñ na tere jaisa hooñ hamaare beech zamaane ki badgumaani hai main zindagi se zaraa kam hi baat karta hooñ

jab bulan dii ka gumaan tha to nahin yaad aayi apni parvaaz se toote to zameen yaad aayi vahii aañkhen ki jo eemaan-shikan aañkhen hain unhin aankhoñ ki ha men daawat-e-deen yaad aayi

tune socha bhi hai jaanaan ki tere vaade ne kitnii sadiyon se nahin pahna amal ka paikar

ham kuchh aise uske aage apni vafaa rakh dete hain bacche jaise rail ki patri par sikka rakh dete hain tasveer-e-gham dil ke aañsu ranj-o-nadaamat tanhaaii us..ko khat likhte hain khat men ham kya kya rakh dete hain

ye saaniha bhi shab-e-hijr aa pada ham par teraa khyaal to aaya teri talab na hui