manzilen kya hain raasta kya hai hausla ho to fasla kya hai

us..ko fursat nahin milti ki palat kar dekhe ham hi deewane hain deewane bane rahte hain

main agar apni jawaani ke suna doon qisse ye jo launde hain mere paanv dabane lag jaa.e

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

KHud se bhi mil na sako itne paas mat hona ishq to karna magar devdaas mat hona dekhna chaahna phir maangna ya kho dena ye saare khel hain in men udaas mat hona

ab ki holi men raha be-kaar rang aur hi laaya firaq-e-yaar rang

kis ki holi jashn-e-nau-rozi hai aaj surkh may se saaqiya dastaar rang

gair se kheli hai holi yaar ne dale mujh par deedaa-e-khoon-baar rang

vo nahin bhoolta jahaan jaaun haaye main kya karoon kahaan jaaun

teri soorat se kisi ki nahin milti soorat ham jahaan men tiri tasveer li.e firte hain