koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

shaayad mujhe kisi se mohabbat nahin hui lekin yaqeen sab ko dilaata raha hooñ main

ab ki holi men raha be-kaar rang aur hi laaya firaq-e-yaar rang

kis ki holi jashn-e-nau-rozi hai aaj surkh may se saaqiya dastaar rang

gair se kheli hai holi yaar ne dale mujh par deedaa-e-khoon-baar rang

teri soorat se kisi ki nahin milti soorat ham jahaan men tiri tasveer li.e firte hain

zindagi zinda-dili ka hai naam murda-dil KHaak jiya karte hain