ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

zameen pe ghar banaya hai magar jannat men rahte hain hamaari khush-naseebi hai ki ham bharat men rahte hain

ye shahar-e-ajnabi men ab kise ja kar bataayen ham kahaan ke rahne waale hain kahaan ki yaad aati hai

galiyon kii udaasi poochhti hai ghar ka sannaata kahtaa hai is shahar ka har rahne vaala kyun doosre shahar men rehta hai

ab ik teer bhi ho liya saath warna parinda chala tha safar par akelaa

kashtii bhi nahin badli dariyaa bhi nahin badla aur doobne waalon ka jazba bhi nahin badla

main badan ko dard ke malboos pahnaata raha rooh tak phaili hui milti hai ur yaanii mujhe

mire diye ne andhere se dosti kar li mujhe tu apne ujaale men jaanta hai to aa