tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

suna raha hooñ unhen jhoot-moot ik qissa ki ek shakhs mohabbat men kaamyaab raha

nikale ga.e is ke ma'ni hazaar ajab cheez thii ik meri khaamushi

Teri vafaa men mili aarzu e maut mujhe

koii vaqt batla ki tujh se miloon meri daudti bhaagti zindagi

dekhne vaala koii mile to dil ke daagh dikhaaun ye nagri andhon kii nagri kis ko kya samjhaaoon