haar ho jaati hai jab maan liya jaata hai jeet tab hoti hai jab thaan liya jaata hai

poochte hain vo ki ghalib kaun hai koi batlaao ki ham batlaayein kya

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

baat karo roothe yaaron se sannaaton se dar jaate hain pyaar akelaa jee leta hai dost akelaa mar jaate hain

main agar apni jawaani ke suna doon qisse ye jo launde hain mere paanv dabane lag jaa.e

KHud apni gum-shudgi se jinhen shikaayat hai tu hi bataa unhen teraa nishaan kahaan se mile

koii shareek-e-gham nahin ab tiri yaad ke baghair koii anees-e-dil nahin ab tire naam ke siva

koii mauqa zindagi ka aakhiri mauqa nahin is qadar taajeel kyuuñ raf-e-qudrat ke li.e

kahiin ye tark-e-mohabbat kii ibtida to nahin vo mujh ko yaad kabhi is qadar nahin aa.e

kab milti hai ye daulat-e-bedaar kisi ko aur main hooñ ki rona hai isi deeda-wari ka