agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

us..ko fursat nahin milti ki palat kar dekhe ham hi deewane hain deewane bane rahte hain

manzilen kya hain raasta kya hai hausla ho to fasla kya hai

poochte hain vo ki ghalib kaun hai koi batlaao ki ham batlaayein kya

jaanta hooñ ki tujhe saath to rakhte hain kaii poochna tha ki teraa dhyaan bhi rakhta hai koi

nazarandaaz karne kii saza deni thii tujh ko tere dil men utar jaana zaroori ho gaya tha

jaisa dikhaai dene kii karte ho koshishein main khoob jaanta hooñ ki aise nahin ho tum

is daur-e-munsifi men zaroori nahin 'waseem' jis shaKHs ki KHataa ho usii ko sazaa mile

tumhaara pyaar to saanson men saans leta hai jo hota nashsha to ik din utar nahin jaata

kya bataaun kaisa KHud ko dar-b-dar maine kiya umr bhar kis kiske hisse ka safar maine kiya tu to nafrat bhi na kar paayega is shiddat ke saath jis bala ka pyaar tujhse be-KHabar maine kiya