kisi ko ghar se nikalte hi mil gaii manzil koi hamaari tarah umr bhar safar men raha

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

koi haseen badan jin ki dastaras men nahin yahii kaheinge ki kuchh faaeda havas men nahin

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

vo jispar uski rahmat ho vo daulat maangtaa hai kya mohabbat karne vaala dil mohabbat maangte hai kya tumhaara dil kahe jab bhi ujaala ban ke aa jaana kabhi ugta hua suraj izazat maangtaa hai kya

zubaan men chaashni rakhne lage ham yahii dastoor hai duniya ka sahab

yaqeen karte hue bhi dar raha hooñ yaqeen ne haal aisa kar diya hai

safal keval samajhta hooñ usii ko khila de rotiyaan jo har kisi ko samajh men ye nahin aata mujhe bas KHuda ne kyun banaya bebaasi ko

virah ke geet gaata ek premi hazaaron dil ko jeete ja raha hai

faqat gham ke nahin maare miyaan ham ha men kismat ne bhi maara bahut hai