shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tum mirii aankh ke tevar na bhula paoge an-kahi baat ko samjhoge to yaad aaunga

tere gale men jo baanhon ko daal rakhte hain tujhe manaane ka kaisa kamaal rakhte hain

zindagi ab ke meraa naam na shaamil karna gar ye tay hai ki yahii khel dobara hogaa

maange to agar jaan bhi hañs ke tujhe de den teri to koi baat bhi taali nahin jaati

na tumhein hosh rahe aur na mujhe hosh rahe is qadar toot ke chaaho mujhe paagal kar do