jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

dekho ham koi wahshi nahin deewane hain tumse button khulwane nahin lagwane hain

charaaghon ko aankhoñ men mahfooz rakhna badi door tak raat hi raat hogii

KHuda kii us ke gale men ajeeb qudrat hai vo bolta hai to ik raushni sii hoti hai

unhin raaston ne jin par kabhi tum the saath mere mujhe rok rok poocha tira hum-safar kahaan hai

mujhe maaloom hai us ka thikaana phir kahaan hogaa parinda aasmaañ choone men jab naakaam ho jaa.e

shohrat ki bulan dii bhi pal bhar ka tamasha hai jis daal pe baithe ho vo toot bhi sakti hai