koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

aapka kaam ho gaya sahab laash dariyaa men fenk dii maine

jagah jagah na taalluq KHaraab kar meraa tere li.e to kisi se bhi lad padunga main

koii kahtaa nahin tha laut aao ki ham paise hi itne bhejte the tumhaara shukriya ai doobti naav ki ham bhi tairna bhule hue the

yahaañ se jaane ki jal dii kisko hai tum batao ye sootkeson men kapde kisne rakhe hue hain kara to loonga ilaqa khaali main lad-jhagad kar magar jo usne dilon pe qabze ki.e hue hain

kya tum tab bhi aise hi chupchaap tamasha dekhoge is mushkil men fansne waali agar tumhaari beti ho