tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

ham vo hain jo KHuda ko bhool ga.e tum meri jaan kis gumaan men ho

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

vo dekhne mujhe aanaa to chahta hogaa magar zamaane ki baaton se dar gaya hogaa

laakh kahte rahen zulmat ko na zulmat likhna ham ne seekha nahin pyaare b-ijaazat likhna

pa sakenge na umr bhar jis ko justuju aaj bhi usii ki hai

duniya to chahti hai yoonhi faasle rahen duniya ke mashwaron pe na ja us gali men chal

ek ha men aawaara kehna koi badaa ilzaam nahin duniya waale dil waalon ko aur bahut kuchh kahte hain