shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

dasht jaisi ujaad hain aañkhen in dareechon se KHvaab kya jhaanken

tire ehsaas men dooba hua main kabhi sehra kabhi dariyaa hua main

khayal kab se chhupa ke ye man men rakha hai mira qaraar tumhaare badan men rakha hai

kahii qaaleen raahon men biche hain kahii pairo'n men chappal bhi nahin hai

bichhad jaayenge ham dono zameen par ye us ne aasmaañ par likh diya hai