ham vo hain jo KHuda ko bhool ga.e tum meri jaan kis gumaan men ho

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

ye alag baat ki KHaamosh khade rahte hain phir bhi jo log bade hain vo bade rahte hain

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

shaakhon se toot jaayen vo patte nahin hain ham aandhi se koi kah de ki auqaat men rahe

bol ki lab azaad hain tere bol zabaan ab tak teri hai

zindagi kya kisi mufalis ki qaba hai jis men har ghadi dard ke paivand lage jaate hain

aa.e kuchh abr kuchh sharaab aa.e is ke baad aa.e jo azaab aa.e

ham shaikh na lider na musahib na sahafi jo KHud nahin karte vo hidaayat na karenge

unhin ke faiz se bazaar-e-aql raushan hai jo gaah gaah junoon ikhtiyaar karte rahe