bharam rakha hai tere hijr ka varna kya hota hai main rone pe aa jaaun to jharna kya hota hai meraa chhodo main nain thakta meraa kaam yahii hai lekin tumne itne pyaar ka karna kya hota hai

phone bhi aaya to shikwe ke li.e phool bhi bheja to murjhaya hua raaste ki mushkilein to jaan luun aata hogaa uskaa thukraaya hua

mujh aisa shaKHs agar qahqahon se bhar jaa.e ye saans letii udaasi to ghut ke mar jaa.e vo mere baad taras jaayega mohabbat ko use ye kehna agar ho sake to mar jaa.e

main unhin aabaadiyon men jee raha hota kahii tum agar hanste nahin us din meri taqdeer par

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

khoob hai ishq ka ye pehlu bhi main bhi barbad ho gaya tu bhi

ab jo rishton men bandha hooñ to khula hai mujh par kab parind ud nahin paate hain paron ke hote

muskuraaye ham us se milte waqt ro na padte agar khushi hoti

jaate jaate aap itnaa kaam to kijeye mira yaad ka saara sar-o-saamaan jalate jaaie

ab to har baat yaad rahtii hai ghaliban main kisi ko bhool gaya