ye alag baat ki KHaamosh khade rahte hain phir bhi jo log bade hain vo bade rahte hain

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

vo afsaana jise anjaam tak laana na ho mumkin use ik KHoob-soorat mod de kar chhodna achha

kisi ke sard ravayye pe KHaamushi ka lihaaf ye intiqaam bhi kya intiqaam hota hai

us kii fitrat men na tha tark-e-t'aalluq lekin doosre shakhs ko is nahj pe pahuncha dena

main aisi umr se dukh jhelne laga 'jawwad' jo aam taur pe hoti hai khelne ke waali

ha men to us se mohabbat hai aur behad hai agar use nahin lagta to kya hua na lage

lag raha hai ye narm lehje se phir tujhe koi mas'ala hua hai