tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

shaayad mujhe kisi se mohabbat nahin hui lekin yaqeen sab ko dilaata raha hooñ main

main agar apni jawaani ke suna doon qisse ye jo launde hain mere paanv dabane lag jaa.e

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

us kii fitrat men na tha tark-e-t'aalluq lekin doosre shakhs ko is nahj pe pahuncha dena

KHud ko masroof ki.e rakhne kii koshish karna kya teri yaad ke zumre men nahin aata hai

kisi ke sard ravayye pe KHaamushi ka lihaaf ye intiqaam bhi kya intiqaam hota hai

lag raha hai ye narm lehje se phir tujhe koi mas'ala hua hai

tootne par koi aa.e to phir aisa toote ki jise dekh ke har dekhne vaala toote