koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

hamko maaloom hai jannat ki haqeeqat lekin dil ke KHush rakhne ko ghalib ye khayal achha hai

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

keerti tere tajurbon ke aage bhi hai duniya daari achha koi mard mile to haath badhaaya kar aage

ek qasam hai uski us..ko phone nahin karna ek museebat ye vo number bhool nahin paate

ye bhi ik tareeqib nayi bazaar men hai ab pichhli ko roya agli deewani karli

pahle lekar naam teraa ladti thii ab chup rahtii hai jab bhi koii kahtaa hai sab mard ik jaise hote hain

jhooth kahte aadmi ko kya pata hai be-vafaaii soongh sakti hai ik aurat