kuchh na rah sakaa jahaan viraaniyaan to rah gaiin tum chale ga.e to kya kahaaniyaan to rah gaiin

milta nahin jahaan men koi kaam dhang ka ik ishq tha so vo bhi kaii baar kar chuke

laut jaati hai udhar ko bhi nazar kya kijeye ab bhi dilkash hai teraa husn magar kya kijeye

tere khat aaj lateefon ki tarah lagte hain khoob hansta hooñ jahaan lafz-e-wafa aata hai

jahaan se jee na lage tum wahin bichhad jaana magar KHuda ke li.e be-vafaaii na karna

bas ab to daaman-e-dil chhod do bekar umeedo bahut dukh sah li.e maine bahut din jee liya maine

phir kho na jaayen ham kahiin duniya kii bheed men milti hai paas aane kii mohlat kabhi kabhi

abhii na chhed mohabbat ke geet ai mutarib abhii hayaat ka maahol khushgawaar nahin

dulhan banii hui hain raahen jashn manao saal-e-nau ke

abhii zinda hooñ lekin sochta rehta hooñ khilwat men ki ab tak kis tamannaa ke sahaare jee liya main ne