koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

kya khabar kaun tha vo aur meraa kya lagta tha jisse milkar mujhe har shaKHs bura lagta tha

vo afsaana jise anjaam tak laana na ho mumkin use ik KHoob-soorat mod de kar chhodna achha

tum in labon ki hañsi aur khushi pe mat jaana ye roz roz ha men bhi fareb dete hain

mujhe ik baat kahni thii agar mujh ko izazat ho tumheen meri muhabbat ho muhabbat ho muhabbat ho

main uske paas aane men laga hooñ vo mujhse door hota ja raha hai

mujh men hai kya kamii ye batla do kaison kaison ko mil gaya hai ishq

dekho maut ka mausam aane vaala hai zinda rahna sabse badi ladai hai