kisi ko ghar se nikalte hi mil gaii manzil koi hamaari tarah umr bhar safar men raha

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

mere aañsu nahin tham rahe ki vo mujhse juda ho gaya aur tum kah rahe ho ki chhodo ab aisa bhi kya ho gaya may-kadon men meri lainein padhte firte hain log maine jo kuchh bhi pee kar kaha falsafa ho gaya

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

tumhein ham bhi sataane par utar aayen to kya hogaa tumhaara dil dukhaane par utar aayen to kya hogaa ha men badnaam karte phir rahe ho apni mehfil men agar ham sach bataane par utar aayen to kya hogaa

zulm mazloomon pe dhaana chhod do haq yatiimon ka dabana chhod do ye nahin kar sakte to behtar hai ye sar ko sajde men jhukaana chhod do

zindagi ujde hue ghar ki tarah lagti hai baap ka saaya agar sar pe nahin hota hai

zulm kii mil ke qamar aise karenge KHam sab door ho jaayenge ye apne watan se gham sab KHvaab ajdaad ne jo dekha hai ik din uski dekhna KHoon se taabeer likhenge ham sab

zindagi to dar-b-dar khilwa rahi thii thokren maut ne lo manzil-e-maksud par pahuncha diya

ye she'r baad-e-shajar turbat-e-shajar pe likho safar safar men safar zindagi ka khatm hua