bichhad ga.e to ye dil umr bhar lagega nahin lagega lagne laga hai magar lagega nahin nahin lagega use dekh kar magar KHush hai main KHush nahin hooñ magar dekh kar lagega nahin

itnaa sangeen paap kaun kare mere dukh par vilaap kaun kare chetna mar chuki hai logon ki paap par pashchaataap kaun kare

tumhaare paanv qasam se bahut hi pyaare hain KHuda kare mere bacchon ki in men jannat ho

shaayad mujhe kisi se mohabbat nahin hui lekin yaqeen sab ko dilaata raha hooñ main

chal gaya hogaa pata ye aapko be-vafa kahte hain ladke aapko ik zaraa se husn par itni akad tu samjhti kya hai apne aapko

ham ne har adnaa ko a'laa kar diya khaaksaari apni kaam aayi bahut

raazi hain ham ki dost se ho dushmani magar dushman ko ham se dost banaya na jaayega

yahii hai ibadat yahii deen-o-eemaan ki kaam aa.e duniya men insaan ke insaan

ham ne awwal se padhi hai ye kitaab aaKHir tak ham se pooche koii hoti hai mohabbat kaisi

vo ummeed kya jis kii ho intiha vo vaa'da nahin jo vafaa ho gaya