bitha diya hai sipaahi ke dil men dar usne talaashi dii hai dupatta utaar kar usne main isliye bhi use khudkushi se rokta hooñ likha hua hai meraa naam jism par usne

chaand chehra zulf dariyaa baat KHushboo dil chaman ik tujhe dekar KHuda ne de diya kya kya mujhe

aaj to dil ke dard par hañs kar dard ka dil dukha diya main ne

ek nazar dekhte to jaao mujhe kab kaha hai gale lagao mujhe tumko nuskha bhi likh ke de doonga zakhm to theek se dikhaao mujhe

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare

ye saal bhi udaasiyaan de kar chala gaya tum se mile baghair december chala gaya

in ka uthna nahin hai hashr se kam ghar ki deewaar baap ka saaya

takra gaya vo mujh se kitaaben li.e hue phir meraa dil aur us kii kitaaben bikhar gaiin

achchhii soorat ko sanwarne kii zaroorat kya hai saadgi men bhi qayamat kii ada hoti hai

bosa jo talab main ne kiya hañs ke vo bole ye husn ki daulat hai lutaai nahin jaati