ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

maana ki teri deed ke qaabil nahin hooñ main tu miraa shauq dekh miraa intizaar dekh

mar chuka hai dil magar zinda hooñ main zahar jaisi kuchh dawaayein chahiye poochhte hain aap aap achchhe to hain jee main achha hooñ duaaein chahiye

use kisi se mohabbat thii aur vo main nahin tha ye baat mujhse zyaada use rulaati thii

raatein kisi yaad men kattee hain aur din daftar kha jaata hai dil jeene par mael hota hai to maut ka dar kha jaata hai sach poochho to tahzeeb haafi main aise dost se aaziz hooñ milta hai to baat nahin karta aur phone pe sar kha jaata hai

phir tumhaare barabar khada shaKHs kuchh is tarah se hansa jaise tumne bataaya ho us ko hai ye bhi deewaana meraa

us dhoke ne tod diya hai itnaa mujh ko ab kuchh bhi samjha letii hai duniya mujh ko

sab aasaan hua jaata hai mushkil vaqt to ab aaya hai

kaun tha vo jis ne ye haal kiya hai meraa kis ko itni aasaani se haasil tha main

bahut janaaze the raaste men qadam bhi ham gin na paa.e apne