shaakhon se toot jaayen vo patte nahin hain ham aandhi se koi kah de ki auqaat men rahe

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

mujhe rang chadhta nahin ab kisi ka tere paas bhi vo gulaal ab nahin hai

uski KHushboo ne kar diya hairaan vo jise phool bhejne the mujhe

vo bhi ik vaqt tha hoti thii chamak aankhoñ men ek ladki se mujhe pyaar hua karta tha

tumhaara zikr kabhi ho to meri aankhoñ men bhale ho dard ziyaada pa barq dikhti hai

kamii ye hai banaa kar sochta hooñ ki ye rishta bahut mehnga padega