koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

sochun to saari umr mohabbat men kat gaii dekhooñ to ek shaKHs bhi meraa nahin hua

teri soorat se hai aalam men bahaaron ko sabaat teri aankhoñ ke siva duniya men rakha kya hai

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

jo log KHud na karte the honthon se paan saaf palkon se kar rahe hain teraa paaydaan saaf

banaao taajmahal ke bajaaye taash mahal tamaam umr muhabbat karo girao banaao

ungliyon par gine ja sakte hain ab achchhe log ungliyon men gar angoothe na gino bhi to bhi

main hosh-mand hooñ KHud bhi so meri ghazlon meinna raqs karta hai aashiq na baal kheenchta hai

tujhe bahut shauq tha mohabbat ki garm lapton se khelne ka le jal gaii na hatheli ab KHush kaha tha main ne charaaghh rakh de