koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

teri soorat se hai aalam men bahaaron ko sabaat teri aankhoñ ke siva duniya men rakha kya hai

sochun to saari umr mohabbat men kat gaii dekhooñ to ek shaKHs bhi meraa nahin hua

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

zindagi meri jaisi kisi kii na ho ho agar aisi to zindagi hi na ho

yaad karti nahin ho kyun jaanaan tum vahaañ kuchh saja rahi ho kya fikr hamko bahut tumhaari hai hamko yaksar bhula rahi ho kya

tasveer rakh kar teri dekha karte hain jaañ dekh ham aise guzaara karte hain ab yaad seene se laga ke sote hain ye kaam ham to kab se aisa karte hain

yahaañ meraa koi shanaasa na ho mohabbat ho lekin tamasha na ho

yaad ik din mujhe karoge tum ek din meraa naam loge tum kya karoon tumko rok kar jaanaan jaanta hooñ nahin rukoge tum